Արդշինբանկը ստացել է արժեթղթերի հաշվարկային համակարգի հաշվի օպերատորի կարգավիճակ՝ անդամկցելով Հայաստանի Կենտրոնական Դեպոզիտարիայի Արժեթղթերի հաշվառման եւ հաշվարկային միասնական համակարգին:
«Արդշինբանկի եւ «Հայաստանի Կենտրոնական Դեպոզիտարիա» ԲԲԸ-ի միջեւ կնքվել է պայմանագիր, որի շրջանակներում Բանկի միջոցով հասանելի կդառնան Կենտրոնական Դեպոզիտարիայի կողմից մատուցվող ռեեստրի վարմանն եւ արժեթղթերի պահառությանն առնչվող բոլոր ծառայությունները» - նշեց Ռազմավարական զարգացման տնօրեն Արմեն Գասպարյանը:
Բանկը 2013թ.-ից հանդիսանում է կարգավորվող շուկայի հաշվարկային համակարգի անդամ, ինչը հնարավորություն է տալիս Բանկին սպասարկելու բորսայական առեւտրի հետ կապված հաշվարկները:
Նշենք, որ «Հայաստանի Կենտրոնական Դեպոզիտարիա» ԲԲԸ-ն (ՀԿԴ) Հայաստանի միակ արժեթղթերի կենտրոնացված ռեեստրավարն է եւ պահառուն: ՀԿԴ-ն անդամակցում է Եվրասիական Կենտրոնական Դեպոզիտարիաների Ասոցիացիային (AESCD) եւ Համարակալման ազգային գործակալությունների ասոցիացիայի (ANNA) լիիրավ անդամ է: 2014թ.-ից ՀԿԴ-ն հանդիսանում է կուտակային կենսաթոշակային համակարգի մասնակիցների ռեեստրավարը եւ պարտադիր կենսաթոշակային ֆոնդերի ակտիվների պահառուն: