Հունաստանը, Կիպրոսը, Իսրայելը եւ եվրոպական մի շարք երկրներ ՌՕՈւ-ի համատեղ զորավարժությունների անցկացման ծրագիր են մշակում՝ արեւելյան Միջերկրականում կայունության ամրապնդման ջանքերի շրջանակում: Այս մասին Հունաստանի պաշտպանության նախարար Պանոս Կամնենոսը հայտնել է Անկախության օրվա առթիվ Կիպրոսում անցկացված ռազմական շքերթի ընթացքում:
AP-ն նշում է, որ 16 տարում առաջին անգամ շքերթին հունական ռազմական օդանավեր են մասնակցում:
Կիպրոսի նախագահ Նիկոս Անաստասիադիսը հայտարարել է, որ կղզու վերամիավորման ջանքերը չեն դադարեցվի, չնայած այս տարվա հուլիսին թուրք կիպրոսցիների հետ խաղաղ բանակցությունների ձախողմանը: