Գերմանիան ողջունել է ԱՄՆ պետքարտուղար Ռեքս Թիլերսոնի հայտարարությունը Հյուսիսային Կորեայի հետ բանակցությունների հնարավորությունների որոնման մասին եւ Վաշինգտոնին կոչ է արել համանման քայլեր ձեռնարկել նաեւ Իրանի նկատմամբ, փոխանցում է Reuters-ը:
«Սա ճիշտ ուղղություն է: Փհենյանին անհրաժեշտ է խորհուրդ տալ այս առաջարկին լուրջ վերաբերվել»,- հայտարարել է Գերմանիայի ԱԳ նախարար Զիգմար Գաբրիելը: «Ես կցանկանայի նմանօրինակ քայլեր տեսնել նաեւ Իրանի նկատմամբ: Եթե ԱՄՆ-ն դուրս գա Իրանի միջուկային ծրագրի համաձայնագրից, դա կսասանի վստահությունը Փհենյանին նրանց առաջարկի հանդեպ»,- հավելել է նա: