Իսպանիայի կառավարությունը Կատալոնիայի անկախության հանրաքվեի ընթացքում ոստիկանական բռնությունների համար պատասխան կտա միջազգային դատարանների առաջ: Այս մասին հայտարարել է Կատալոնիայի կառավարության ներկայացուցիչ Ժորդի Տուրուլը, փոխանցում է AP-ն:
«Իսպանիայի կառավարությունը շատ վարկաբեկված է եւ վերջնարդյունքում պատասխան կտա միջազգային դատարանների առաջ»,- մամուլի ասուլիսի ժամանակ նշել է նա:
Նրա խոսքով՝ քվերակությանը միլիոնավոր մրդիկ են մասնակցել: Նա նշել է, որ քվեարկության գործընթացը չի երկարացվի, բայց նրանց, ովքեր սպասում են, թույլ կտան քվեարկել: Տուրուլն ասել է, թե չգիտի՝ ձայների հաշվարկը երբ կավարտվի:
