Սեպտեմբերի 28–ին ոստիկանության քրեական հետախուզության գլխավոր վարչության ծառայողները Ռուսաստանի Դաշնությունից Հայաստան են տեղափոխել Հայաստանի քաղաքացի Վաչագան Սիմոնյանին։
Սիմոնյանը 2016 թ. օգոստոսի 1–ից ոստիկանության Շենգավիթի բաժնի կողմից հետախուզվում էր քրեական օրենսգրքի 268–րդ հոդվածի հատկանիշներով՝ թմրամիջոցների կամ հոգեմետ նյութերի ապօրինի շրջանառությունն առանց իրացնելու նպատակի։
Շենգավիթի բաժնում ստացված օպերատիվ տեղեկությունների իրացման արդյունքում հետախուզվողը 2017 թ. մայիսի 3–ին հայտնաբերվել և ձերբակալվել էր։ Ռուսաստանի Դաշնության Ադիգեյի Հանրապետությունից արտահանձնման արարողությունից հետո տեղափոխվեց Հայաստան։