Անհասկանալի է, թե ինչու է «Ելք» դաշինքը պահանջում կամ-կամ դնել ԵՏՄ-ի եւ ԵՄ-ի միջեւ ընտրության հարցը։ Այս մասին հոկտեմբերի 3-ին ԱԺ-ում ասել է ՀՅԴ խմբակցության ղեկավար Արմեն Ռուստամյանը՝ ներկայացնելով խմբակցության տեսակետը ԵՏՄ կազմից դուրս գալու մասին։

Ռուստամյանի խոսքով՝ ԵՏՄ-ում լինելով՝ Հայաստանը շարունակում է բարեհաջող համագործակցել ԵՄ-ի հետ։ Անհասկանալի է, թե ինչպես ԵՏՄ-ից դուրս գալը կարող է ամրապնդել համագործակցությունն այնքան, որ փոխհատուցի ԵՏՄ-ի հետ համագործակցության շահը։ «Ընդհակառակը, պետք է շարունակել հնարավորինս արդյունավետ աշխատել նաեւ ԵՄ-ի հետ։ Այդ 2 միությունների միջեւ առողջ մրցակցությունը Հայաստանի շահերից է բխում»,- ասել է Ռուստամյանը։