News
Լրահոս
News
Հինգշաբթի
Հոկտեմբեր 19
Տեսնել լրահոսը

Նախօրեին Երեւանում կայացել է առեւտրատնտեսական համագործակցության հայ-լիտվական միջկառավարական հանձնաժողովի երկրորդ նիստը:

Գյուղնախարարությունից NEWS.am-ին հայտնում են, որ նիստի շրջանակում ՀՀ գյուղատնտեսության փոխնախարար Արմեն Հարությունյանը եւ Լիտվայի Հանրապետության գյուղատնտեսության փոխնախարար Ռոլանդաս Տառաշկյավիչուսը ստորագրել են «Հայաստանի Հանրապետության գյուղատնտեսության նախարարության եւ Լիտվայի Հանրապետության գյուղատնտեսության նախարարության միջեւ գյուղատնտեսության բնագավառում համագործակցության 2018-2019 թվականի գործողությունների պլան» փաստաթուղթը:

Պլանով նախատեսվում է խթանել երկկողմ համագործակցությունն ագրարային ոլորտում եւ մեկ տարվա ընթացքում  իրականացնել մի շարք համատեղ գործողություններ: Մասնավորապես, գյուղատնտեսական ապահովագրական համակարգի ոլորտում Լիտվան հայկական կողմին կտրամադրի խորհրդատվություն եւ մեթոդոլոգիական աջակցություն:

«Լիտվայում արդեն գործում է գյուղատնտեսական ապահովագրական համակարգ, որը ուսումնասիրելու ենք, եւ եթե լինեն Հայաստանի համար հետաքրքրական տարրեր, ապա կփորձենք ապագայում այն կիրառել այստեղ»,- նշել է Արմեն Հարությունյանը:

Բացի այդ, կողմերը համագործակցելու են նաեւ անասնապահության ոլորտում, մասնավորապես փորձի փոխանակում են իրականացնելու այծաբուծական տնտեսությունների զարգացման եւ կաթնամթերքի արտադրության բնագավառում: Այդ նպատակով Հայաստանից պատվիրակիություն է մեկնելու Լիտվա, որտեղ ներգրավված են լինելու նաեւ այծաբուծությամբ  եւ այծի կաթից ստացվող պանրի արտադրությամբ զբաղվող անհատները:

Գոհունակություն հայտնելով հայ-լիտվական փոխգործակցության ներկա բարձր մակարդակով`  Ռոլանդաս Տառաշկյավիչուսը նշել է, որ 2016 թվականին ստորագրված գործողությունների ծրագիրը  հաջողությամբ իրականացվել է ի օգուտ կողմերի եւ այսօր արդեն Հայաստանն ու Լիտվան համատեղ ծրագրերի իրականացման  նոր քայլ են կատարում:

!
Այս նյութը հասանելի է նաև   English
Տպել
Կարդացեք նաև
Ամբողջ
Ստանդարտները նման են մարսողության, մենք այն չենք նկատում, երբ ամեն ինչ կարգին է. Սլովենիայի ներկայացուցիչ
Պարգեւատրվել են ստանդարտացման ոլորտում իրենց ավանդն ունեցած մի շարք ընկերություններ...
Դոլարի փոխարժեքի վերելքը չի դադարում, իսկ եվրոն շարունակում է թուլանալ
Հոկտեմբերի 18-ին «ՆԱՍԴԱՔ ՕԷՄԷՔՍ ԱՐՄԵՆԻԱ» ԲԲԸ-ում դոլարի առքուվաճառք տեղի չի ունեցել...
Չենք ցանկանում Հայաստանից կաշվի հումք արտահանել, խոչընդոտող մաքսատուրք կսահմանենք. նախարար
Հիմա օրինագիծը քննարկվում է՝ հաշվի առնելով բոլոր շահագրգիռ կողմերի կարծիքը…
Վարչապետը ծանոթացել է «Դվին» հյուրանոցային համալիրի վերակառուցման աշխատանքների ընթացքին
«Դվին» հյուրանոցային համալիրի վերակառուցման ներդրումային ծրագիրն իրականացնում են «Սի-Սի-Ջի Կովկասյան կոմունիկացիոն խումբ» ընկերությունը եւ «Դավիթ Բեկ Էնթերթեյնմենթս» ՍՊԸ-ն…
Սամվել Ալեքսանյանին պատկանող ընկերությունը կարագը մեկ տարվա ընթացքում թանկացրել է 53 տոկոսով
Կարագի գներն այս տարեսկզբից մինչև հիմա բարձրացել են շուրջ 35 տոկոսով, այնուհանդերձ այդ բարձրացումն ավելի վաղ էր սկսվել...
Շաքարավազ, բանան, կարագ ներմուծողների թիվն աճել է. Արտակ Շաբոյան
Այս երեք շուկաներում կան գերիշխող դիրք ունեցող ընկերություններ, բայց երբ համեմատում ենք նախորդ տարիների հետ...
Ամենաշատ
Ֆոտոռեպորտաժներ
Partner news