Կգա ժամանակ, եւ բոլոր հարցերին պատասխաններ կտրվեն։ Այս մասին հոկտեմբերի 9-ին՝ ԱԺ ճեպազրույցների ժամանակ, ասել է ՀՅԴ խմբակցության քարտուղար Աղվան Վարդանյանը՝ պատասխանելով հարցին, թե ինչպես իրեն կպահի ՀՅԴ–ն, եթե ՀՀ գործող նախագահը եկող տարվա ապրիլին իր թեկնածությունն առաջադրի վարչապետի պաշտոնում, եւ դա արդյոք մեկ քայլ հետ չի լինի ժողովրդավարական արժեքների տեսակետից։
«Լուրջ չէ պատասխանել, «եթե»–ով հարցերին։ Կգա ժամանակը, եւ ես կարծում եմ, որ դուք կստանաք բոլոր հարցերի պատասխանները։ Հնարավոր է, որ դուք սկսեք զղջալ, որ այդքան երկար ժամանակ այդ հարցը տալիս էիք»,– ասել է Վարդանյանը։