Ղրղզստանի նախագահ Ալմազբեկ Աթամբաեւը չեղյալ է հայտարարել այցը Սոչի, որտեղ պետք է մասնակցեր ԱՊՀ երկրների նախագահների խորհրդի նիստին։ Այս որոշման պատճառը հանրապետությունում կայանալիք նախագահական ընտրությունների օրը առանձին քաղաքական գործիչների կողմից անկարգություններ պլանավորելու պատճառով, երկուշաբթի հայտնել է Ղրղզստանի նախագահի մամուլի ծառայությունը։
Հաշվի առնելով առանձին քաղաքական գործիչների կողմից նախագահական ընտրությունների օրը զանգվածային անկարգություններ պլանավորելու, ինչպես նաեւ նման քաղաքական գործիչների՝ արտասահմանից ստացվող ֆինանսական աջակցության մասին վեր հանած փաստերը՝ նախագահը որոշեց չեղյալ համարել իր աշխատանքային այցը, որպեսզի ինքնուրույն վերահսկի երկրի անվտանգությունն ու կարգը,- ասվում է հաղորդագրությունում։
Աթամբաեւը ծրագրում էր Սոչի այցելել հոկտեմբերի 10-11–ը։ Աթամբաեւի փոխարեն Ղրղզսատնի պատվիրակությունը նախագահելու է վարչապետ Սապար Իսակովը։
