Ռուսական ռուբլու գործարքները մինչեւ 2020 թվականը Վիետնամի, Իրանի եւ Հայաստանի արժույթների հետ բնական գործընթաց են: NEWS.am-ի թղթակցի հետ զրույցում նման կարծիք է հայտնել տնտեսագետ Թաթուլ Մանասերյանը: Որպես տնտեսական եւ առեւտրային գործընկերներ, ասյ երկրները պետք է միմյանց արտարժույթների առք ու վաճառք սկսեն:
«Այս ամենը նպաստում է միայն առեւտրատնտեսական հարաբերությունների սպասարկմանը: Ոչ մի արտառոց երեւույթ այստեղ չկա», - ասել է փորձագետը:
Արժութաֆինանսական հարաբերությունները չեն ճանաչում քաղաքականություն, եւ եթե այդ երկու երեւույթները փոխկապակցված լինեին, ապա չէր լինի համաշխարհային ֆինանսական ճգնաժամը, ավելացրել է նա:
Հիշեցնենք, որ ըստ ռուսական «Վեդոմոստի» թերթի՝ Մոսկվայի բորսայում հայկական դրամով գործարքների իրականացման վերաբերյալ հայտարարել էր Արժութային շուկայի դեպարտամենտի զարգացման վարչության պետ Դմիտրի Պիսկուլովը: