Սիրիայի հյուսիսում քրդական ինքնակառավարման ղեկավարությունը դրական է գնահատել Սիրիայի ԱԳ նախարարի հայտարարությունն այն մասին, որ իրենք պատրաստ են Ռուսաստանի միջնորդությամբ բաց երկխոսության։ Այս մասին «ՌԻԱ Նովոստի»–ին ասել է Հյուսիսային Սիրիայի Դաշնության շրջանի միջազգային հարաբերությունների հանձնաժողովի նախագահ Աբդուլքարիմ Ումարը։
«Մենք այդ հայտարարությունները համարում ենք դրական եւ ուշացած։ Սա քայլ է, որը կարող է բազա դառնալ։ Մենք բաց ենք իշխանությունների հետ երկխոսության համար երկրում ճգնաժամը լուծելու նպատակով։ Ավելի վաղ եղել են նախաձեռնություններ։ Մենք մի քանի հանդիպում ենք անցկացրել իշխանությունների հետ ՌԴ միջնորդությամբ։ Իշխանություններն այն ժամանակ պատրաստ չէին քննարկել Սիրիայի ապագան… Մենք պատրաստ ենք շարունակել եւ ավարտին հասցնել բանակցությունները միջազգային երաշխիքների եւ Ռուսաստանի միջնորդության դեպքում»,– ասել է Ումարը։
Նա հավելել է, որ Սիրիայում քրդերի «պատմական հարցը» պետք է լուծվի Սիրիայի ճգնաժամի մեծամասշտաբ լուծման շրջանակում։