Tesla-ն հայտարարել է 11 հազար Model X քրոսովերների ինքնակամ հետկանչի մասին վթարի ժամանակ հետեւի նստատեղի հնարավոր ծալվելու պատճառով, փոխանցում է TASS-ը։

Ընկերությունում մեքենաների փորձարկման ժամանակ հայտնաբերել են ոչ մեծ շեղումներ մետաղամալուխների կարգավորման մեջ, որոնք ռիսկ են առաջացնում, որ ավտովթարի ժամանակ ձախ նստատեղի թիկնակը կարող է առաջ գալ։

«Անհրաժեշտ է կարգի բերել  Model X-ի 2016 եւ 2017 թվականների արտադրության մի քանի մեքենաների ծալվող նստարանների որոշ մալուխներ»,- պարզաբանել են ընկերությունում։ Tesla-ում, միեւնույն ժամանակ, նշում են, որ տվյալ թերության հետ կապված որեւէ խնդիրների կամ վթարների մասին հողորդումներ  չեն ստացել։

Այդ պատճառով ընկերությունը պատրաստ է Model X  ավտոմեքենաների դիագնոստիկա անցկացնել, որոնք թողարկվել են 2016-ի հոկտեմբերի 28-ից 2017-ի օգոստոսի 16-ն ընկած ժամանակահատվածում, եւ անհրաժեշտության դեպքում կարգավորել։