Հոկտեմբերի 13-ին ԱՄՆ նախագահ Դոնալդ Թրամփը կներկայացնի Իրանին հակազդելու ավելի խիստ ռազմավարություն։ Ռազմավարությունն ուղղված է լինելու այն բանի իրագործման ուժեղացմանը, ինչը Թրամփը ատոմային համաձայնագրի թերություն է համարում և Իսլամական հեղափոխության պահապան կորպուսը ֆինանսավորումից զրկելուն։
«Աշխարհի համար ժամանակն է եկել միանալ մեզ և Իրան կառավարությունից պահանջել հրաժարվել մահվան ու կործանման իր ձգտումից», - ասվում է Սպիտակ տան տարածած հայտարարությունում, որում շարադրված են համաձայնագրի առանցքային տարրերը։
Նոր ռազմավարությունը 3 առանցքային կետ է պարունակելու՝ միջուկային համաձայնագրի ամրապնդում, որը կբարդացնի Իրանի համար միջուկային զենքի մշակումը, նրա բալիստիկ հրթիռների ծրագրի հարցը և հակազդեցությունը Իրանի գործողություններին, որոնք, Վաշինգթոնի կարծիքով, նպաստում են Մերձավոր Արևելքում անկայունությանը։
Թրամփը համարում է, որ համաձայնագիրը վերջնական արդյունքում թույլ կտա Իրանին միջուկային զենք մշակել, և ուզում է խստացնել ԱՄՆ քաղաքականությունը, որպեսզի կանխի այդ հնարավորությունը։
