Օրենդրական փոփոխությունների համաձայն՝ Հայաստանի ձեռնարկությունների համար զգալիորեն հեշտացել է լուծարման ընթացակարգը։ Այս մասին հոկտեմբերի 13-ին լրագրողների հետ հանդիպման ժամանակ հայտնել է Հայաստանի կառավարությանն առընթեր պետեկամուտների կոմիտեի վարչարարության մեթոդաբանության վարչության ղեկավար Արման Պողոսյանը։
Նրա խոսքով՝ Հայաստանում կան տասնյակ հազար «ուրվական» ձեռնարկություններ, որոնք տարբեր տարիների դադարել են գործել, բայց թղթի վրա դեռ գոյություն ունեն եւ դրա պատճառը լիկվիդացման բարդ ընթացակարգն է։ Հարկային ծառայությունն ուներ իր բացատրությունը՝ թույլ չտալ հարկերի վճարումից խույս տալ նրանց, ովքեր պարտք են բյուջեին։ Բայց բարեխիղճ հարկատուներն էլ են տուժել։ Հենց նրանց են մտադիր ընդառաջ գնալ։ Եթե ձեռնարկության հարկային պարտքերը չեն գերազանցում 10 հազար դրամը ու այն չի գործել վերջին 4 տարիներին (այսինքն հարկային պատժամիջոցների մասով վաղեմության ժամկետից ավելին)՝ նման ձեռնարկությունները կարող են ինքնալիկվիդացվել պարզեցված կարգով։ «Նոյեմբերի 1-ից նման ընկերությունները կկարողանան ավտոմատ կերպով լիկվիդանալ։ Իսկ նրանք, ովքեր կմտափոխվեն, կարող են մինչ այդ հայտ ներկայացնել»,- հավելել է Պողոսյանը։