Իսրայելի վարչապետ Բենյամին Նեթանյահուն հայտարարել է, որ լրատվամիջոցներում հայտնված տեղեկությունը, թե Իսրայելը մտադիր է ներողություն խնդրել Թուրքիայից եւ փոխհատուցում վճարել զոհված թուրքերի հարազատներից, չեն համապատասխանում իրականությանը:
Ինչպես հաղորդում է NEWSru.com-ը, Իսրայելի վարչապետի խոսքով, իսրայելական կողմը բանակցում է թուրքական իշխանությունների հետ, քանի որ կարեւոր է համարում այդ երկրի հետ լավ հարաբերություններ պահպանելը: Միաժամանակ, Իսրայելը «ներողություն չի խնդրի այսպես կոչված, «ազատության նավատորմը» ձերբակալելու համար, որը փորձում էր հասնել Գազայի հատված, հաշվի չառնելով, որ այն շրջափակման ռեժիմում է գտնվում Իսրայելի կողմից»:
Բենյամին Նեթանյահուն նշել է, որ Իսրայելը պահանջում է Թուրքիայից իսրայելցի զինվորների գործողությունները ճանաչել ոչ չարամիտ եւ դադարեցնել հետաքննչական խմբի աշխատանքը, որը ստեղծվել է ՄԱԿ-ի մարդու իրավունքների կոմիտեի կողմից՝ թուրքական կողմի պահանջով:
