2018 թվականին հայկական եւ ադրբեջանական կողմերի միջեւ կգրանցվի հերթական լարվածությունը: Հոկտեմբերի 18-ին լրագրողների հետ հանդիպման ժամանակ այսպիսի կարծիք հայտնեց The Armenian Interest կենտրոնի ղեկավարի տեղակալ, էթնոքաղաքական հակամարտությունների հարցերով փորձագետ Վան Հարությունյանը:
Նրա կարծիքով՝ Ժնեւի հանդիպմանը Հայաստանի եւ Ադրբեջանի նախագահներն ավելի շուտ պայմանավորվել են որոշակի ժամանակահատվածում շփման գծում լարվածության նվազեցման շուրջ:
«Սակայն ես չեմ կարծում, որ այս լարվածությունը երկարատեւ ժամանակահատվածով կնվազի: Կարծում եմ՝ առավելագույնը կես տարի»,- պարզաբանեց փորձագետը՝ հավելելով, որ Բաքվին ձեռնտու չէ հայկական եւ ադրբեջանական կողմերի միջեւ շփման գծում վերահսկողական որեւէ մեխանիզմի տեղադրումը, քանի որ, նրա խոսքով, շփման գծում խախտումները հաճախ կատարվում են ադրբեջանական կողմից, քանի որ Բաքվին չի բավարարում ընթացիկ ստատուս քվոն:
