Հայաստանի խնդիրն այն է, որ մենք այս կամ այն կազմակերպություններից մշտապես ինչ–որ բարիք ենք սպասում, սակայն դրա դիմաց ոչինչ առաջարկել չենք կարող։ Այս մասին հոկտեմբերի 19-ին լրագրողներին ասել է քաղտեխնոլոգ Կարեն Քոչարյանը։
Նա նշեց, որ Հայաստանը ո՛չ լուրջ արդյունաբերություն ունի, ո՛չ լուրջ արտադրություն։
«ԵՄ շուկան շատ մեծ է, բայց միաժամանակ շատ խիստ ստանդարտներ ունի։ ԵՏՄ շուկան, բնականաբար, չունի նման կոշտ չափանիշներ։ Այնտեղ ամեն բան շատ ավելի բարձիթողի վիճակում է, քան եվրոպական շուկայում, բայց դա բխում է մեր շահերից, քանի որ մենք նույնպես անկազմակերպ ենք»,– ասաց Քոչարյանը՝ հավելելով, որ հայկական արտադրանքը կարող է իրացվել Եվրասիական, բայց ոչ մի դեպքում եվրոպական շուկայում։
Ընդ որում, քաղտեխնոլոգը նշեց, որ անգամ նման ցածր պահանջների դեպքում Հայաստանը ըստ էության Եվրասիական շուկային առաջարկելու բան չունի։