ԱՄՆ-ում կալանավորել են մարդկանց վաճառքով զբաղվող 120 մարդու, հաջողվել է 84 երեխայի փրկել ստրկության վաճառելուց: Այս մասին հայտնել է ՀԴԲ տնօրեն Քրիսթոֆեր Ռեյը, փոխանցում է USA.one-ը:
«Դաշնային բյուրոն ավելի կարեւոր առաքելություն չունի, քան մեր երեխաների կյանքի, առողջության եւ ազատության պաշտպանությունը»,- նշել է Ռեյը: «Ցավոք, փրկված երեխաների թիվը եւ կալանավորված հանցագործների թիվը ցույց է տալիս, որ մենք այս աշխատանքը դեռեւս պետք է շարունակենք ու շարունակենք»,- հավելել է նա:
Գործողությունը 2003 թվականի Innocence Lost National կոչվող նախաձեռնության մի մասն է: Այս ընթացքում իրավապահ մարմիններին հաջողվել է գտնել սոեռական եւ այլ ստրկության վաճառված 6500 երեխաների, հայտնում է NBC News-ը: «Կարեւոր է հիշել, որ կավատները ոչ մի բանի առջեւ կանգ չեն առնում, նրանց չի հետաքրքրում նույնիսկ զոհերի տարիքը»,- նշված է ՀԴԲ հայտարարության մեջ:
Գործակալները պատմել են, որ անցկացված գործողության ժամանակ իրենք Կոլորադոյի նահանգի Դենվերից 3-ամսական տղայի եւ նրա 5-ամյա քրոջն են փրկել: Պարզվել է, որ ընտանիքի բարեկամը մարդավաճառների հետ գործարք էր կնքել՝ երեխաերին 600 դոլարով վաճառելու համար:
