Աֆղանստանում մզկիթներում պայթյունների հետեւանքով զոհվածների թիվը հասել է 59-ի, 55-ը վիրավորվել են, հաղորդում է «ՌԻԱ Նովոստի»-ն՝ վկայակոչելով տեղական 1TV հեռուստաալիքին:
Ավելի վաղ հաղորդվում էր, որ առնվազն 30 մարդ է զոհվել եւ 20-ը վիրավորվել է Քաբուլում տեղի ունեցած պայթյունի հետեւանքով, տասը մարդ զոհվել է, 20-ը վիրավորվել է Գուր նահանգում տեղի ունեցած պայթյունի հետեւանքով:
Քաբուլի արեւմտքում գտնվող իմամ Զամանի մզկիթում ահաբեկիչը պայթեցրել է ինքն իրեն: Ըստ ականատեսների՝ պայթյունին հաջորդել են կրակոցներ: Ոստիկանությունը հաստատել է պայթյունը: Զոհերի թվում կանայք եւ երեխաներ են: Պայթյունի համար պատասխանատվություն է ստանձնել ահաբեկչական ԻՊ խմբավորումը:
Ավելի ուշ մահապարտ ահաբեկչի մասնակցությմաբ երկրորդ պայթյունը է տեղի ունեցել Աֆղանստանի Գուր նահանգի մզկիթում:
