ԱՄՆ պետքարտուղար Ռեքս Թիլերսոնը չհայտարարված այցով մեկնել է Բաղդադ Իրաքի վարչապետ Հայդեր ալ Աբադիի եւ նախագահ Ֆուադ Մասումի հետ բանակցությունների համար, հաղորդում է AFP-ն:
Այս այցը վերջին օրերի ընթացքում Թիլերսոնի եւ Աբադիի միջեւ երկրորդ հանդիպումն է եւ հաջորդում է պետդքարտուղարի հայտարարությանն այն մասին, որ Իրանի աշխարհազորայինները պետք է լքեն Իրաքը: Այս հայտարարությանը Իրաքի կառավարությունը կտրուկ էր արձագանքել:
Բաղդադում պնդում են, որ ռազմականացված ուժերը, որոնք օգնեցին հաղթել «Իսլամական պետության»-ը, ամբողջությամբ Իրաքինն էին:
«Հաշեդ ալ Շաաբին իրաքցիներ են, որոնք մտահոգված են իրենց երկրի ճակատագրով եւ զոհում են իրենց հանուն ազգի եւ անվտանգության»,-ասել է Աբադիին մոտ աղբյուրը: