Սաուդյան Արաբիան ակնկալում է, որ աշխարհում էներգիայի պահանջարկը մինչեւ 2050 թվականը 45 տոկոսով կաճի: Այս մասին հոկտեմբերի 24-ին հայտարարել է էներգետիկայի նախարար Խալիդ ալ Ֆալիխը, հաղորդում է «Փրայմ»-ը:
Նրա խոսքով՝ առաջիկա տասնամյակների ընթացքում էներգիայի պահանջարկի աճի հիմնական գործոններից մեկը գլոբալ ժողովրդագրական աճն է. 2050 թվականին երկրի բնակչությունը 2,2-2,3 միլիարդ մարդով կավելանա: Միաժամանակ նաեւ կենսամակարդակը կբարձրանա:
«Արդյունքում էներգիայի պահանջարկը, մեր ակնկալիքներով, 2050 թվականին կաճի 45 տոկոսով: Սա պահանջարկի աճի հսկայական ծավալ է, եւ մենք պետք է պատրաստ լինենք դրան», - Future Investment Initiative համաժողովի ժամանակ ասել է Ալ-Ֆալիխը:
