Բրիտանացի ձեռնարկատեր Ռիչարդ Բրենսոնը հույս ունի, որ արդեն 7 ամսվա ընթացքում կկարողանա մերձուղեծրային տիեզերական թռիչք կատարել իր ընկերության մշակած տիեզերանավով, հայտնում է ՏԱՍՍ-ը:
Բրենսոնին պատկանող Virgin Galactic ընկերությունը նախկինում անցկացրել է իր տուրիստական SpaceShipTwo տիեզերանավի Unity մոդելի փորձարկումների շարք: Ակնկալվում է, որ շուտով սարքը պետք է նաեւ մերձուղեծրային տիեզերական թռիչք կատարի:
Ձեռնարկատիրոջ կարծիքով՝ սա կարող է տեղի ունենալ «3 կամ 4 ամսվա ընթացքում»: «Իսկ հետո հույս ունեմ, որ եւս 3 ամիս հետո ես ինքս կուղեւորվեմ տիեզերք»,- ասել է Բրենսոնը Նյու Յորքում ընթացած Global Synergy Forum գործարար համաժողովում:
