Բելգիայի Անտվերպեն քաղաքում երկուշաբթի էթնիկ թուրքերի եւ քրդերի միջեւ բախումների հետեւանքով 4 մարդ վիարվորվել է, ավելի քան 40-ը՝ ձերբակալվել, հաղորդում է «ՌԻԱ Նովոստի»-ին:
«4 մարդ վիրավորվել է, մոտ 40-ը՝ ձերբակալվել», - ոստիկանությունից հայտնել են գործակալությանը:
Վիրավորների թվում մեկ ոստիկան է եղել:
Belga գործակալության հաղորդմամբ՝ երբ ոստիկանության աշխատակիցները փորձել են կարգավորել իրավիճակը, բախման մասնակիցները փայտե զարկիչներով եւ մետաղյա ձողերով դիմադրել են, ինչպես նաեւ վառվող նյութերով շշեր են նետել ոստիկանների վրա:
Թուրքերի եւ քրդերի միջու բախումները ուրբաթ սկսվել են այն բանից հետո, երբ Թուրքիայում բանտարկված Քուրդիստանի բանվորական կուսակցության ղեկավար Աբդուլա Օջալանի ազատման արշավի մասնակիցներով ավտոբուսը Անտվերպենի թուրքերով բնակեցված շրջան է մտել: