Սաուդյան Արաբիայի գահաժառանգ արքայազնը օգոստոսին հայտնել էր մեծամասշտաբ տուրիստական նախագծի մեկնարկի մասին։

Սաուդյան Արաբիայի իշխանությունները պլանավորում են սկսել տուրիստական վիզաների տրամադրումը, քանի որ թագավորությունը ձգտում է զբոսաշրջիկների գրավել նավթից կախված իր տնտեսության արմատական վերափոխման համար, հայտնում է AFP-ը։

Տուրիզմը դիտարկվում է որպես աճի հիմնական շարժիչ ուժ, քանի որ թագավորությունը փորձում է հրաժարվել նավթադոլարներից ունեցած կախվածությունից։ Գահաժառանգ արքայազնը օգոստոսին հայտնել էր մեծամասշտաբ նախագծի մեկնարկի մասին, որի շրջանակում պլանավորվում է Կարմիր ծովի 50 կղզիներ վերածել շքեղ հանգստավայրերի։

Չնայած հարուստ բնական գեղեցկությանը՝ թագավորությունը դժվար թե զբոսաշրջիկների համար սիրելի վայր համարվի, քանի որ ալկոհոլը, կինոթատրոններն եւ թատրոններն այնտեղ նախկինի պես արգելված են մնում։ Ակնկալվում է, որ թագավորությունում կհանվի կինոթատրոնների արգելքը, եւ կխրախուսվեն կանանց եւ տղամարդկանց մասնակցությամբ տոնակատարությունները։