Նախօրեին անցկացված տեղական ինքնակառավարման մարմինների ընտրություններում որոշ համայնքներում դիտվել է ընտրողների ցածր մասնակցություն: Նոյեմբերի 6-ին լրագրողների հետ հանդիպման ժամանակ այս մասին ասաց Համայնքների միության նախագահ Էմին Երիցյանը:
Նրա խոսքով՝ նման միտում է առաջանում յուրաքանչյուր ընտրության ժամանակ եւ օբյեկտիվ պատճառներ ունի: Փորձագետի կարծիքով՝ անկախ հանգամանքից, թե թեկնածուները բնակչության շրջանում ինչպիսի հարգանք են վայելում, մշտապես խնդիրներ են առաջանում իշխանությունների տեղական մարմինների լեգիտիմության եւ բնակչության հետ նրանց փոխհարաբերությունների հետ կապված:
«Երկրորդ օբյեկտիվ պատճառը քաղաքական կուսակցությունների պասիվ դերն է: Երրորդ պատճառը խոշորացման խնդիրն է եւ ընտրական համակարգը: Խոշորացումն արդեն կայացած փաստ է եւ հետդարձի ճանապարհ չկա»,- պարզաբանեց Երիցյանը՝ հավելելով, որ համայնքների խոշորացումը եւ ընտրական գործընթացները պետք է մեկը մյուսին կապված լինեն:
Երիցյանի կարծիքով՝ այս ընտրությունները ցույց տվեցին, որ տվյալ համակարգը բարեփոխումների կարիք ունի, իսկ խոշորացման պրակտիկան դրա հետ անհամատեղելի է: