Իրաքցի զինվորականները սկսել են գրոհ երկրում «Իսլամական պետություն» ահաբեկչական կազմակերպության վերջին հենակետի՝ Ռավա քաղաքի վրա, սիրիական սահմանից ոչ հեռու, հայտնել է բանակի հրամանատարությունը, փոխանցում է ՌԻԱ Նովոստին։
«Ռազմական ստորաբաժանումները ու ժողովրդական աշխարհազորը սկսել է զանգվածային գործողություն Ռումանա շրջանի ու Ռավա քաղաքի ազատագրման համար»,- ասվում է գործողության հրամանատար Աբդել Ամիր Յարալիի հայտարարության մեջ։
Հոկտեմբերի վերջին Իրաքի վարչապետ Հայդեր ալ Աբադին հայտնել էր նոր գործողության մասին, որի նպատակն էր ԻՊ զինյալներից ազատագրել Իրաքի արեւմուտքում նրանց հսկողության տակ գտնվող վերջին շրջանը, այդ թվում Էլ Կաիմ ու Ռավա քաղաքները , որոնք նա անվանել էր երկրում ԻՊ-ի վերջին հենակետը։
Զինվորականները ազատագրել էին Էլ -Կաիմը հոկտեմբերի սկզբին ու վերականգնել հսկողությունը Սիրիայի հետ սահմանի վրա գտնվող հսկիչ անցակետի վրա ։