ՌԴ նախագահ Վլադիմիր Պուտինին Վիետնամում ԱԽՏՀ գագաթաժողովի ընթացքում Ռուսաստանի տնտեսական զարգացման նախարար Մաքսիմ Օրեշկինին պատկանող iPhone-ով են տեսել: Այս մասին ասվում է «Դմիտրի Կիսելյովի հետ շաբաթվա նորություններ» հաղորդման մեջ, որը հեռարձակվում է «Ռոսիա 1» հեռուստաալիքով:
Տեսանյութի հեղինակներին չի հաջողվել պարզել, ինչն է կոնկրետ հետաքրքրել Պուտինին:
«Կարելի է ենթադրել՝ թեման տնտեսական է», նշել են հեռուստաալիքի լրագրողները:
Օգոստոսի 25-ին Bloomberg-ն անդրադառնալով Ռուսաստանի նախագահի հայացքներին ծանոթ երեք պաշտոնյաներին՝ հաղորդել է, որ նախարար Օրեշկինի ազդեցությունն ու քաղաքական կշիռը աճել են, եւ նա «Պուտինի սիրելին է դարձել»:
