Նոյեմբերի 18-ին 92 տարեկանում մահացել է Շարլ դե Գոլի թիկնապահ Ռոջեր Տեսսյեն, որը 23 տարի եղել է գեներալի կողքին ու նրան պաշտպանել մի քանի մահափորձերից, հայտնում է RFI-ն։
Տեսսյեն եղել է գեներալ դե Գոլի թինկազորի ղեկավարը։
Բռնցքամատկ Տեսսյեն «հսկայական ուժի» տեր մարդ էր ու իր լայն ուսերի համար ստացել էր «դե Գոլի գորիլա» մականունը , պատմել է հանգուցյալի մտերիմներից մեկը՝ շեշտելով, որ նա եղել է «անհավանական բարի» անձնավորություն։
Տեսսյեն 1947-ին է դարձել դե Գոլի թիկնապահը ու մնացե լ է նրա կողքին մինչեւ վերջ։
2002-ին Տեսսյեն ինքնակենսագրական է հրատարակել «Ես եղել եմ գեներալի գորիլան» վերնագրով, որտեղ պատմել է, որ դե Գոլի մահն այնքան ծանր է տարել, ինչպես սեփական հոր մահը։ Նա նաեւ գրել էր, որ գեներալը չէր սիրում, երբ իրեն պաշտպանում էին, դրա համար էլ թիկնապահները ստիպված էին աննկատ, հեռավորության վրա պաշտպանել նրան։
Ռոժեր Տեսսյեն մահացել է իր տանը՝ Կանե-ան-Ռուսսիյոն քաղաքում։