Միջազգային ուսումնասիրությունների արդյունքում Գերմանիան 2017 թվականին լավագույն վարկանիշով երկիրն է դարձել՝ առաջին հորիզոնականից հետ մղելով ԱՄՆ-ին, հաղորդում է Independent-ը:
50 երկրների ազգային բրենդերի ինդեքսն ամեն տարի կազմում է ազգային բրենդի ստեղծման հարցերով անկախ քաղաքական խորհրդատու Սայմոն Անհոլտը:
Վարկանիշը կազմելիս հաշվի են առնվում այնպիսի գործոններ ինչպիսիք են ՝ «Կառավարությունը», «Արտահանումը», «Բնակչությունը», «Մշակույթը», «Զբոսաշրջությունը» եւ «Ներդրումները եւ ներգաղթը» :
Այս տարի Գերմանիան երկրորդ տեղից առաջին տեղ է անցել, իսկ ԱՄՆ-ն առաջինից՝ վեցերորդ:
Փորձագետները համարում են, որ նման անկման պատճառը «Դոնալդ Թրամփի ազդեցությունն է»:
Deutsche Welle- ն նշում է, որ գրավիչ իմիջով երկրների հնգյակում ներառվել են նաեւ Ֆրանսիան, Մեծ Բրիտանիան, Կանադան եւ Ճապոնիան: Ռուսաստանը զբաղեցրել է 23-րդ տեղը՝ «Մշակույթ» անվանակարգում առավելագույն միավորներ ստանալով: