Ավստրալիայի բնակիչ Բիանկա Մերիկը չի կարողացել դուրս գալ սեփական մեքենայից, վախենալով մեքենայի մեջ մտած մեծ սարդից, հայտնում է «ՌԻԱ Նովոստին»։
Աղջիկը սարդին տեսագրել է ու պատմել Storyful պորտալին սարդը տեսնելու պահին իր ապրումների մասին։
«Ես աշխատանքից տուն էի գնում, վերեւ նայեցի ու տեսա, որ սարդը ուղիղ ինձ է նայում։ Սկզբում ես ուզում էի կանգնեցնել մեքենան, բայց չգիտեի ինչպես եմ դուրս գալու մեքենայից։ Դրա համար էլ որոշեցի, որ լավագույն տարբերակն է շարունակել վարել մեքենան։ Իմ կյանքի 20 երկարուձիգ րոպեների ընթացքում ես փորձում էի ձեւացնել, թե սարդն այնտեղ չէ»,- բացատրում է նա։
Մերիկի խոսքով՝ ինքը տուն է հասել, դուրս եկել մեքենայից, փակել դուռը, գնացել քնելու ու ձեւացրել, թե «ոչինչ չի պատահել»։ Առավոտյան նա վերադարձել է ավելով ու միջատների դեմ հատուկ միջոցով «զինված», սակայն սարդն այեւս մեքենայում չէր։
