Հաջորդ տարի սմարթֆոնների համաշխարհային վաճառքը կհատի վաճառված սարքերի 1,5 միլիարդի ցուցանիշը, ասվում է Digitimes վերլուծական գործակալության հաշվետվության մեջ:
Չինաստանի վերլուծաբանների տեղեկատվությամբ՝ մինչեւ 2017-ի վերջ կվաճառվի շուրջ 1,43 միլիարդ միավոր հեռախոս: Հաջորդ տարի կվաճառվի շուրջ 5 տոկոսով ավելի սարք: Փորձագետները վստահ են, որ սմարթֆոնների ամենամեծ քանակը կվաճառվի Հարավարեւելյան Ասիայի, Հարավային Ամերիկայի եւ Աֆրիկայի զարգացող շուկաներում: 2018-2022 թվականներին վաճառված սարքերի քանակը յուրաքանչյուր տարի կավելանա 60-70 նմուշով:
Չհաշված ամերիկյան Apple-ը եւ ֆիննական Nokia-ն, սմարթֆոնների մեծամասնությունը կարտադրվի ասիական ընկերությունների կողմից:
Բջջային թոփ 20 բրենդներից վերլուծաբանները նշել են Չինաստանից 11-ը, երկուական՝ Կորեայից, Հնդկաստանից եւ Թայվանից:
Կանխատեսումների համաձայն՝ սմարթֆոնների համաշխարհային արտադրողների թոփում չինական Huawei-ն, Oppo-ն եւ Vivo-ն արդեն այս տարի կզբաղեցնեն համապատասխանաբար 4-րդ, 5-րդ եւ 6-րդ տեղերը, փոխանցում է Life-ը:
