Ռուս օպերային երգիչ Դմիտրի Խվորոստովսկու աճյունը Մոսկվայի Նովոդեվիչյե գերեզմանատանը կհուղարկավորեն, հայտնում է «ՌԻԱ Նովոստին»:
ԽՍՀՄ ժողովրդական արտիստ, Պետական Դումայի մշակույթի կոմիտեի առաջին փոխնախագահ Իոսիֆ Կոբզոնը լրագրողներին պատմել է Դմիտրի Խվորոստովսկու կտակի մասին: «Ինչպիսին որ ինքն էր, այդպիսի կտակ էլ թողել է. դիակիզել, մի մասը Մոսկվայում, մյուս մասն իր ծննդավայր Կրասնոյարսկում թաղել: Այժմ նրա կինը պետք է վերջնական որոշումն ընդունի», — ասել է նա
Հայտնի դիրիժոր, երաժիշտ Կոնստանտին Օրբելյանը, ով հաճախ է հանդես եկել Խվորոստովսկու հետ եւ իր հետ ընկերություն է արել է, «ՌԻԱ Նովոստիին» ասել է, որ երգչի մահից առաջ ծնողները եկել էին երգչի մոտ՝ Լոնդոն:
«Բառացիորեն անցյալ գիշեր (նոյեմբերի 21) ես նրա մոտ էի: Երեկ նրա ծնողները եկան, եւ գիշերվա երեքին նա հեռացավ մեզանից», - ասել է Օրբելյանը: «Նա ամեն ինչ անում էր ոչ թե հարյուր տոկոսով, այլ հազար տոկոսով:
Նա միշտ գերազանցում էր իրեն, հիշում է Օրբելյանը:
«Այն ամենը, ինչ նա անում էր, յուրահատուկ էր, կատարյալ, յուրօրինակ:»:
Նոյեմբերի 22-ին Լոնդոնում մեծ օպերային երգիչը մահացավ ուղեղի ուռուցքի պատճառով: Նա 55 տարեկան էր: