SpaceX բեռնատար տիեզերանավը միջազգային տիեզերակայան կհասցնի գերաջրագործական գարու 20 հատիկ, որը տիեզերագնացները մեկ ամսվա ընթացքում աճեցնելու են անկշռելիության պայմաններում: Այս մասին նշված է Profibeer կայքում:
Գարեջրագործական գարու փորձերն անցկացվելու են CASIS Տիեզերական գիտության կենտրոնի հետ համատեղ, որը ղեկավարում է ուղեծրում ամերիկլյան գիտական հետազոտությունները:
Ծրագրվում է, որ տիեզերագնացները Երկիր կվերադառնան հատիկներն աճեցնելուց հետո: Հետազոտության արդյունքները դրվելու են Մարսում հնարավոր գարեջրագործության տեխնոլոգիայի հիմքում եւ նոր տվյալներ կտան Երկրի գյուղատնտեսության համար:
Գարնանը SXSW-ի համաժողովում AB InBev ընկերությունը հայտարարել էր, որ պատրաստվում է Մարսում գարեջուր պատրաստել, երբ մարդկությունը սկսի Կարմիր մոլորակը յուրացնել:
Նոյեմբերի 20-ին հաղորդվել էր, որ Չինական գիտության եւ տեխնիկայի աերոտիեզերական կորպորացիան ծրագրում է 2020 թվականին Մարս տիեզերանավ ուղարկել, իսկ 2030-ին Երկիր ուղարկել Մարսի բնահողի նմուշներ: