Լուսային աղտոտում է կոչվում գիշերային երկինքը արհեստական լույսի աղբյուրներով լուսավորելու երեւույթը։ 2012-2016 թթ․ գիշերային լուսավորման աճը գրեթե հավասար է եղել զարգացած երկրների ՀՆԱ աճին եւ մեծացել է 2 տոկոսով։ Արհեստական լույսը վնասակար է շրջակա միջավայրի համար, քանի որ խախտում է գիշերային կենդանիների, բույսերի եւ միկրոօրգանիզմների սովորական ռեժիմը։ Այն նաեւ բացասաբար է ազդում մարդու օրգանիզմի վրա՝ խախտելով քնի ռեժիմն ու հանգեցնելով առողջական խնդիրների։
20-րդ դարի երկրորդ կեսից գիշերային լուսավորումով քաղաքների թիվն աճել է։ Հիմա միջազգային մասնագետների թիմը որոշել է պարզել, թե ինչպիսին կլինեն այդ միտումի հետեւանքները, հայտնում է «Մոյա Պլանետան»։
Այսպես՝ առավել շատ լուսավորված են Ասիայի, Աֆրիկայի եւ Հարավային Ամերիկայի տարածքները։ «Մութ» շրջանները գտնվում են ռազմական հակամարտությունների գոտում՝ Սիրիայում, Եմենում։ Ամենավառ շրջանների թվում են Իսպանիան, Իտալիան, Նիդեռլանդները, ԱՄՆ-ն։
Մասնագետները խորհուրդ են տալիս հնարավորինս խուսափել լուսադիոդային սպիտակ լույսից։
