Թեհրանը կարող է մեծացնել իր հրթիռների հեռահարությունը, որպեսզի դրանք կարողանան հասնել Եվրոպա, եթե Իրանը նրանց կողմից վտանգ զգա։ Այս մասին ասել է բրիգադային հրամանատար գեներալ Հոսեյն Սալամին՝ Իրանի իսլամական հեղափոխության պահապան կորպուսի փոխհրամանատարը, փոխանցում է Fars News Agency-ն։
«Մինչեւ վերջերս մենք Եվրոպային չէինք ընկալում որպես սպառնալիք եւ այդ պատճառով չէինք մեծացնում մեր հրթիռների հեռահարությունը։ Սակայն եթե Եվրոպան ուզում է դա, ապա մենք կգնանք դրան»,- ասել է նա։
Իրանցի հրամանատարը նշել է, որ մինչեւ հիմա հրթիռների խոցման շառավիղը չէր գերազանցում 2 հազար կմ-ն, սակայն դա տեխնոլոգիական հնարավորությունների բացակայության հետեւանք չէ։ «Մենք հետեւում ենք ռազմավարական դոկտրինին»,- ասել է Հոսեյն Սալամին։