Ռուսաստանի նախագահի մամուլի քարտուղար Դմիտրի Պեսկովը հայտարարել է, որ իշխանությունը դեռեւս թեկնածու չի ընտրել 2018 թվականի նախագահական ընտրություններին մասնակցելու համար, փոխանցում է Коммерсант.ru-ն: 

Կրեմլի ներկայացուցիչն այսպես է պատասխանել լրագրողների հարցին, թե որքանով է կառավարությանը հետաքրքրում համացանցը որպես իշխանության թեկնածուի անձնական լիարժեք ներկայության հարթակ: «Առայժմ իշխանության թեկնածու չկա՝ ո՛չ գլխավոր, ո՛չ երկրորդական: Այս պատճառով հարցին չեմ կարող պատասխանել»,- պարզաբանել է Պեսկովը:

ՌԴ նախագահ Վլադիմիր Պուտինը դեռեւս պաշտոնապես չի հայտարարել, որ նոր ժամկետում կառաջադրվի: