Մոսադ հետախուզական ծառայության ղեկավարը, ով հեռանում է իր պաշտոնից, դեռ 2007թ. կանխատեսել էր Թուրքիայի հետ հարաբերությունների վատթարացումը՝ այդ երկրի ղեկավարության ակտիվ իսլամացման ֆոնին: Այդ մասին հայտնի է դարձել Wikileaks-ի գաղտնազերծած փաստաթղթերի հերթական չափաբաժնից, գրում է ZMAN.com-ը՝ վկայակոչելով իսպանական El Pais թերթը:

Նա նաեւ նախազգուշացրել է ԱՄՆ-ին՝ Մերձավոր Արեւելքում Ռուսաստանի բացասական դերի մասին եւ պահանջել խստացնել տնտեսական պատժամիջոցները իրանական ռեժիմի դեմ:

Նշենք, որ առաջիկա ամիսներին կավարտվի Դագանի 8-ամյա պաշտոնավարումը Մոսադի ղեկին: Նրան փոխարինելու է Թամիր Պարդոն: