Հայաստանի արտգործնախարար Էդվարդ Նալբանդյանն այսօր՝ դեկտեմբերի 1-ին, ընդունել է Հարավային Կովկասում եւ Վրաստանի ճգնաժամի հարցերով ԵՄ հատուկ ներկայացուցիչ Տոյվո Կլաարին:
ԱԳՆ-ից NEWS.am-ին հայտնում են, որ նախարար Նալբանդյանը շնորհավորել է Տոյվո Կլաարին պաշտոնը ստանձնելու կապակցությանբ եւ հաջողություն մաղթեց նրան` հույս հայտնելով, որ ԵՄ նորանշանակ հատուկ ներկայացուցիչը՝ իր մանդատի շրշանակներում, կնպաստի առկա հիմնահարցերի կարգավորմանը։
Հանդիպման ընթացքում քննարկվեցին Հայաստան-Եվրամիություն հարաբերություններին առնչվող հարցեր, երկուստեք կարեւորվեց Համապարփակ եւ ընդլայնված գործընկերության համաձայնագրի ստորագրումը՝ նշելով, որ այն ամուր իրավական հիմք է ՀՀ եւ ԵՄ միջեւ համագործակցության առավել ամրապնդման եւ խորացման համար:
Էդվարդ Նալբանդյանը զրուցակցին ներկայացրեց ղարաբաղյան հիմնախնդրի բացառապես խաղաղ կարգավորման վերաբերյալ Հայաստանի մոտեցնումները, ինչպես նաեւ այդ ուղղությամբ Հայաստանի եւ ԵԱՀԿ Մինսկի խմբի համանախագահ երկրների համատեղ ջանքերը:
Շնորհակալություն հայտնելով բարեմաղթանքների համար Տոյվո Կլաարը նշեց, որ ամենայն պատասխանատվությամբ է մոտենում իր առաքելությանը եւ վերահաստատեց Եվրոպական միության աջակցությունը ԵԱՀԿ Մինսկի խմբի համանախագահների ջանքերին եւ մոտեցումներին՝ ուղղված ղարաբաղյան հիմնահարցի բացառապես խաղաղ կարգավորմանը:
Զրուցակիցները մտքեր փոխանակեցին տարածաշրջանային եւ միջազգային հրատապ խնդիրների շուրջ։