Լեռնային Ղարաբաղի հակամարտության կարգավորման բանակցային գործընթացն առաջ չի ընթանում, որովհետեւ Արդրբեջանը գործով այն մերժում է: Այս մասին դեկտեմբերի 4-ին լրագրողների հետ հանդիպման ժամանակ ասաց Հայաստանի ԳԱԱ Արեւելագիտության ինստիտուտի տնօրեն, թուրքագետ Ռուբեն Սաֆրաստյանը:
Նրա խոսքով՝ բանակցային գործընթացում Ադրբեջանը իմիտացիոն գործողություններ է ցուցադրում եւ շփման գծում սադրանքների քաղաքականություն վարում՝ դրա համար օգտագործելով ուղղակի ռազմական ուժ: «Դրանով նրանք, ըստ էության, ցուցադրում են, որ շահագրգռված չեն ղարաբաղյան հակամարտության խաղաղ կարգավորման բանակցային գործընթացով»,- պարզաբանեց Սաֆրաստյանը՝ հավելելով, որ Բաքուն ամեն կերպ փորձում է այս հարցում ճշմարտությունը խեղաթյուրել:
