Google ամերիկյան ընկերությունը 2018 թվականին պլանավորում է մեծացնել YouTube–ում արմատականություն եւ բռնություն քարոզող տեսանյութերի վերացման ուղղությամբ աշխատողների թիվը։ Այս մասին ասված է ընկերության բլոգում, փոխանցում է «ՌԻԱ Նովոստի»–ն։
«Հաջորդ տարի մենք կշարունակենք մեծացնել մասնագետների թիվը, մենք նպատակադրված ենք 2018 թվականին 10 հազարի հասցնել Google–ի այն աշխատակիցների թիվը, որոնք աշխատում են մեր կանոնները խախտող նյութերը հեռացնելու ուղղությամբ»,– ասված է YouTube–ի գործադիր տնօրեն Սյուզան Վոյժիտսկու հայտարարության մեջ։
Հունիսին Google–ը հայտնել էր, որ լրացուցիչ միջոցներ է ընդունում Youtube–ում արմատականության դեմ պայքարի խստացման համար։