ԱՄՆ կողմից Երուսաղեմը որպես Իսրայելի մայրաքաղաք ճանաչելու վերաբերյալ ցանկացած քայլը վտանգավոր է եւ Մերձավոր Արեւելքում կարող է խորացնել հակամարտությունը: Այս մասին հայտարարել է Գերմանիայի արտգործնախարար Զիգմար Գաբրիելը, հաղորդում է AP-ն:
Նրա խոսքով՝ «Երուսաղեմը որպես Իսրայելի մայրաքաղաք ճանաչելը չի մեղմացնի հակամարտությունը, այլ կրակի վրա յուղ կլցնի», եւ նման քայլը «շատ վտանգավոր է լինելու»: «Բոլորը շահագրգռված են, որ դա տեղի չունենա»:
Հիշեցնենք՝ ակնկալվում է, որ ԱՄՆ նախագահը դեկտեմբերի 6-ին հանդես կգա Թել Ավիվից Երուսաղեմ Ամերիկայի դեսպանատան հնարավոր տեղափոխման մասին հայտարարությամբ:
