ՆԱՏՕ–ի անդամ երկրների ԱԳ նախարարները հավանություն են տվել ԵՄ–ի հետ համագործակցության ակտիվացման համակողմանի նոր պլանին։ Որոշումն ընդունվել է Բրյուսելում ԱԳ նախարարների բանակցային օրվա արդյունքում, հայտնում է DW–ն։
32 կետից կազմված փաստաթուղթը, մասնավորապես, նախատեսում է քայլեր ձեռնարկել՝ ուղղված Եվրոպայում դաշինքի զորքերի տեղակայման արագացմանը, ինչպես նաեւ եվրոպական երկրների միջեւ ինֆորմացիայի ավելի ակտիվ փոխանակմանը, այդ թվում՝ ահաբեկչական սպառնալիքի նախազգուշացման համար։
«Այս պայմաններում, երբ անվտանգության պահպանման իրավիճակն անընդհատ փոխվում է, ԵՄ–ի եւ ՆԱՏՕ–ի միջեւ գործընկերությունը կարեւոր է, քան երբեւէ»,– ընդգծել է ՆԱՏՕ–ի գլխավոր քարտուղար Յենս Ստոլտենբերգը։
ԵՄ արտաքին քաղաքականության եւ անվտանգության հարցերով բարձրագույն ներկայացուցիչ Ֆեդերիկա Մոգերինին իր հերթին նշել է, որ Բրյուսելը կարող է ՆԱՏՕ–ին աջակցել լոգիստիկայի հարցերում, այդ թվում՝ ԵՄ ներսում զրահատեխնիկայի եւ մարտական միջոցների տեղաշարժի հարցում։