Հայաստանում դասական մենաշնորհներ չկան, բնական մենաշնորհներ կան եւ կան տնտեսական խաղացողներ, որոնք գերիշխող են տնտեսության տարբեր ոլորտներում: Այս մասին դեկտեմբերի 6-ին խորհրդարանում կառավարական ժամին ասել է վարչապետ Կարեն Կարապետյանը՝ պատասխանելով «Ծառուկյան» խմբակցության պատգամավոր Սերգեյ Բագրատյանի՝  `Հայաստանի տնտեսությունը հակամենաշնորհային դարձնելու  առաջարկին:

Միեւնույն ժամանակ հարկային ծառայության տվյալների համաձայն՝ ըստ նրա մեկ տարվա ընթացքում գերիշխող անձանց քանակն ու ծավալները զգալիորեն փոխվել են:

 «Հասկանալի է, որ եթե որեւէ ընկերություն զբաղեցնունմ է շուկայի 70 տոկոսը, ապա դրա մասնաբաժինը անմիջապես չի նվազի մինչեւ 20 տոկոսի, բայց շուկայի գրավման աստիճանական նվազում մենք ակնկալում ենք», - ասել է Կարապետյանը:

Նրա խոսքով՝ Հայաստանում ոչ մի ոլորտում բիզնես սկսելու համար խոչընդոտ չկա, եւ ցանկացած գործարար կարող է ներմուծել ցանկացած ապրանք:

Պատասխանելով պատգամավորի այն հարցին, թե ինչպես է նա գնահատում է տնտեսական իրավիճակն այս պահին, Կարապետյանը նշել է, որ այն այժմ կառավարելի է, իսկ իրավիճակը ծայրահեղ ծանր էր մեկ տարի առաջ: «Տասը ամիսների արդյունքներով Հայաստանի տնտեսական աճը կազմել է 7,1 տոկոս, մինչեւ տարեվերջ, կարծում եմ, այս ցուցանիշը կաճի», - ամփոփել է վարչապետը: