Մոսկվան մտահոգված է ԱՄՆ նախագահ Դոնալդ Թրամփի Երուսաղեմը Իսրայելի մայրաքաղաք ճանաչելու եւ Իսրայելում ԱՄՆ դեսպանատունն այնտեղ տեղափոխելու որոշմամբ, «ՌԻԱ Նովոստի»-ն ասել է ՌԴ ԱԳՆ-ում աղբյուրը:
«Մենք մտահոգված ենք ԱՄՆ որոշմամբ: Մենք Արեւմտյան Երուսաղեմը ճանաչել ենք Իսրայելի մայրաքաղաք, իսկ Արեւելյան Երուսաղեմը՝ Պաղեստինի մայրաքաղաք: Մեր տեսանկյամբ՝ սա օբյեկտիվ, հավասարակշված դիրքորոշում է: Վերջին հաշվով, պաղեստինա-իսրայելական բանակցությունները պետք է խնդիրների լուծմանը բերեն խաղաղության, բարիդացիության պայմաններում ապրող «երկու պետությունների»՝ Պաղեստինի եւ Իսրայելի սկզբունքների հիմքի վրա»,- ասել է աղբյուրը:
Գործակալության զրուցակցի խոսքով՝ «սա է ռուսական մոտեցումը, այս առումով մենք աջակցում ենք ՄԱԿ Անվտանգության խորհրդի, Գլխավոր վեհաժողովի եւ Արաբական խաղաղ նախաձեռնության բոլոր բանաձեւերը»:
