Բրիտանական թյունինգ Kahn Design-ը նախատեսում է կառուցել վեց անիվներով, թափքի հետեւամասում բաց Land Rover Defender, որը համալրված կլինի փափուկ ծալովի տանիքով:
Ավտոմեքենան կպատրաստվի նույն ոճով, ինչ Mercedes-Benz Maybach G 650 Landaulet-ը, որը թողարկվել է սահմանափակ քանակով, հաղորդում է Motor-ը:
Kahn-ի նորույթի մասին դեռ շատ մանրամասներ հայտնի չեն: Ընկերությունը հայտնել է, որ այն կընդգրկվի Flying Huntsman ընտանքիում:
Հավանաբար, նոր նախագիծը կստանա 500 ձիաուժով, 6,2 լիտր ծավալով շարժիչ: Թափքը կլինի 15 սանտիմետրով ավել:
Ակնկալվում է, որ մեքենայի շնորհանդեսը տեղի կունենա հաջորդ տարվա մարտին Ժնեւի ավտոսրահում: