Ամանորի գիշերը ավանդական հրավառությունն առաջին անգամ տեղի չի ունենա աշխարհում ամենաբարձր կառույցի՝ Դուբայի Բուրջ Խալիֆի աշտարակի մոտ, քաղաքային իշխանություններն այն փոխարինել են լազերային շոույով, փոխանցում է «ՌԻԱ Նովոստի»-ն:
Ամանորի կեսգիշերին ամեն տարի աշտարակի մոտ հազարավոր մարդիկ են հավաքվում հրավառությունը դիտելու:
Սակայն Downtown Dubai շրջանի Instagram-ում հաղորդվել է, որ հունվարի 1-ի գիշերը աշտարակի մոտ ավանդական հրավառության փոխարեն տեղի կունենա Light Up 2018 կոչվող նոր լազերային շոու:
Կազմակերպիչները խոստացել են, որ դա «այնպիսի բան կլինի, ինչպիսին նախկինում երբեք չեք տեսել»:
Այդուհանդերձ, քաղաքի այլ հատվածներում հրավառություններ կլինեն՝ Palm Jumeirah արհեստական կղզում եւ այլ շրջաններում: