Ամեն տարի ճապոնացիներն ընտրում են գլխավոր հիերոգլիֆը՝ անցնող տարվա խորհրդանիշը, եւ այս անգամ ընտրված նշանը «հյուսիս» է նշանակում, հայտնում է «ՌԻԱ Նովոստին»:
Ավանդույթի համաձայն՝ խորհրդանիշը նկարվել է թղթե կտավի վրա մեծ վրձնով եւ թանձրաներկով՝ Կիոտոյի բուդդայական «Կիյոմիձու դերա» եկեղեցու ավագ քահանայի կողմից, այդ իրադարձությունն ուղիղ եթերով հեռարձակվել է NHK հեռուստաալիքով:
«Հյուսիս» հիերոգլիֆի ընտրությունն էապես կապված է հրթիռային փորձարկումների հետ, որոնք անցնող տարվա ընթացքում իրականացվել են Հյուսիսային Կորեայում՝ Ճապոնիայում տագնապ առաջացնելով:
Անցնող տարվա հիերոգլիֆ-խորհրդանիշները Ճապոնիայում սկսել են ընտրվել 1995-ից:
Ճապոնիայում գրության մեջ կիրառվում են չինական հիերոգլիֆները, որոնք փոխառվել էին այն ժամանակ, երբ ճապոնացիները դեռեւս չունեին իրենց գիրը: Ժամանակին չինական հիերոգլիֆները անցել են նաեւ Կորեա եւ Վիետնամ, որտեղ հետագայում դրանցից հրաժարվել են:
Ճապոնիան պահպանում է ավանդույթները եւ ներկայումս չինական հիերոգլիֆների հետ մեկտեղ երկրում կիրառվում են ճապոնական գրության միանգամից երկու այբուբեն, որոնք այդ նույն չինական հիերոգլիֆների կրճատված ձեւերն են:
Տարվա հիերոգլիֆը կընտրեն նաեւ Չիաստանում:
