2016 թվականին պետությունը 1,9 մլրդ դրամ վերադարձրել է քաղաքացիներին: Այս մասին դեկտեմբերի 12-ին ԱԺ արտահերթ նիստում ասաց ֆինանսների փոխնախարար Դավիթ Անանյանը՝ անդրադառնալով կառավարության կողմից քաղաքացիների բնակարաններ ձեռք բերելուն ուղղված հիփոթեքային վարկերի ծրագրի իրականացման շրջանակում միջոցներ ստանալու պայմաններին:
Նրա խոսքով՝ սա պետության համար շոշափելի բյուջետային ծախս է: «Շահառուների 1,6 տոկոսը այս միջոցների ընդամենը 7 տոկոսն է ստացել: 2017-ին շահառուների 2,2 տոկոսը ստացել է բյուջեից հատկացված բոլոր միջոցների 12 տոկոսը»,- պարզաբանեց Անանյանը՝ հավելելով, որ անձ կա, որը 3 տարում ստացել է մինչեւ 6,6 մլն դրամ:
Նա միաժամանակ նշեց, որ պետությունը բավարար եւ անսահմանափակ միջոցներ չունի պետական բյուջեի հաշվին բոլոր ցանկացողներին հիփոթեքային ծառայություններ մատուցելու համար:
