Դեկտեմբերի 14-ին ԱԺ նիստի ժամանակ միաձայն 93 կողմ ձայնով երկրորդ եւ վերջնական ընթերցմամբ ընդունվեցին Հայաստանի Հանրապետության Քաղաքացիական օրենսգրքում կատարված փոփոխություններն ու լրացումները:
Դրանք ուղղված են 2 սուբյեկտների միջեւ քաղաքացիաիրավական հարաբերությունների իրավական հավասարության ապահովմանը: Առաջարկվում է սահմանափակել վարկ վերցրած կամ մասնավոր կամ իրավաբանական անձից պարտք վերցրած քաղաքացիների կողմից վճարումների ուշացումների համար տուգանքների չափերը. այսուհետեւ տուգանքի առավելագույն չափը չի կարող գերազանցել այն գումարի չափը, որը նախկինում պարտք է վերցվել: Այսպես՝ եթե քաղաքացին բանկից 300 հազար դրամ վարկ է վերցրել, ապա տվյալ վարկի վճարման ուշացման դեպքում, անկախ ուշացման ժամկետից, պարտքի առավելագույն մակարդակը չի կարող գերազանցել այս գումարը եւ գումարած նույն 300 հազար դրամի չափով տուգանքը:
