Հայազգի Դոն Բոյաջյանը մտադիր է Նյու Յորք նահանգից առաջադրել իր թեկնածությունը ԱՄՆ կոնգրեսում ։

Օլբանի Հայ դատի ազգային կոմիտեն հայտնել է, որ աջակցում է Բոյաջյանի թեկնածությունը, փոխանցում է «Armenian Weekly»-ն։

Դեմոկրատ Բոյաջյանը մասնակցելու է փրայմերիզին ու եթե նա առաջադրվի իր կուսակցության կողմից, ապա կկարողանա Կոնգրեսում տեղ ստանալու համար մրցակցել Էլիս Ստեֆանիկի հետ։

Եթե Բոյաջյանը ընտրվի Կոնգրես, նա կդառնա Կոնգրեսի երրորդ հայազգի անդամը, Աննա Էշուի ու Ջեքի Սփիյերի հետ միասին։

Բոյաջյանի հայրական կողմը Այնթափի գաղթականներից է եղել։ Հայոց ցեղասպանության տարիներին նրա հոր ընտանիքը բնակություն է հաստատել Սարատոգա օկրուգում, որտեղ նրանք գառներ էին բուժում իրենց ֆերմայում։